ترک وزیر خارجہ کے ساتھ یونین کے صدر کی ملاقات. عالمی انسانی ہمدردی اور آپسی  تعاون کے نئے افق روشن ہوئے ۔

گزشتہ ہفتے، ترکی کے وزیر خارجہ، جناب ہاکان فیدان نے، یونین کے صدر، محترم شیخ علی محی الدین قرہ داغی ، اور ان کے نائبین، محترم شیخ محمد گورماز، محترم شیخ عصام البشیر، عزت مآب شیخ محمد الحسن الددو، محترم شیخ عبدالمجید النجار اور سیکرٹری جنرل شیخ علی الصلابی پر مشتمل ایک اعلیٰ سطحی وفد کا استقبال کیا۔ ،  یہ ملاقات کافی دیر تک جاری رہی جس میں انسانی فلاح، فلسطینیوں کے تحفظ سے متعلق متعدد تعمیری امور زیر غور آئے ۔

یہ میٹنگ وزیر خارجہ کی طرف سے یونین کے صدر اور ان کے ساتھ آنے والے وفد کو دیے گئے ایک سرکاری دعوت کے پس منظر میں ہوئی ، تاکہ یونین کے صدر کی طرف سے پیش کی گئی تجویز پر تبادلہ خیال کیا جا سکے اور مسلم اسکالرز کی بین الاقوامی یونین کی طرف سے منظور کی گئی قرارداد جس میں غزہ میں نسل کشی کو مسترد کرنے کے لیے عالمی انسانی کانفرنس کے انعقاد کی ضرورت پر زور دیا گیا پر بحث کی جائے

اس تجویز کے مطابق صدر مملکت رجب طیب اردغان اور غزہ میں نسل کشی کو مسترد کرنے والے ممالک کے سربراہان کو اس کانفرنس میں شرکت کے لیے مدعو کرنا شامل ہے، نیز اس تجویز میں انسانی چیلنجوں کا مقابلہ کرنے کے لیے عالمی سطح پر”حلف الفضول” کے طرز پر اور نان الائنڈ الائنس کی طرح ایک نئی بین الاقوامی تنظیم قائم کرنے کی ضرورت پر زور دیا گیا ہے ۔

میٹنگ کے فریم ورک کے اندر، عالم اسلام کے مسائل پر بامعنی بات چیت ہوئی، خاص طور پر ان انسانی پہلوؤں پر جن پر یونین خصوصی توجہ دیتی ہے۔ یہ امداد، ترقی اور انسانی حقوق کے تحفظ کے شعبوں میں تعاون کو بڑھانے اور کوششوں کو مربوط کرنے کی خواہش کے تناظر میں سامنے آیا ہے۔

ماخذ: الاتحاد