یورپی کونسل برائے فتویٰ. تحقیق واستدلال اور پیش آمدہ مسائل کے حل کے سلسلے میں اس کا منہج 

یورپی کونسل برائے فتویٰ و تحقیق کا چونتیسواں اجلاس عام 27 ربیع الآخر 1445 ہجری بمطابق گیارہ نومبر 2023ء بروز ہفتہ، کونسل کے معزز اراکین کی اکثریت کی موجودگی میں شروع ہوا۔ ، ممتاز علماء، مذہبی قانونی اداروں، اور فتویٰ صادر کرنے والے اداروں کے نمائندگان ، بشمول: ترکی کے مذہبی امور کے نمائندے ، ترکی کی سپریم کونسل برائے مذہبی امور، اور یورپی مسلم کونسل کے نمائندگان کی موقر موجودگی رہی ۔ ان دینی شرعی اداروں کی نمائندگی کرنے والے شرکاء نے اپنی تقاریر میں اس امر کو بڑی وضاحت اور پختگی کے ساتھ بیان کیا کہ کس طرح یورپی فتویٰ کونسل فتویٰ اور تحقیق کے لیے مغرب میں اسلامی موجودگی کا اول نمبر کا فتویٰ صادر کرنے والا ادارہ اور فقہی اتھارٹی بن گیا ہے ۔

اس کونسل کے قیام کی ربع صدی گزرنے کے موقع پر، کونسل کے اجلاس کا عنوان تھا: “یورپی کونسل برائے فتویٰ اور تحقیق و استدلال اور پیش آمدہ مسائل کے حل کے سلسلے میں اس کا منہج ،” اس عنوان کے تحت اس اجلاس کا مقصد یہ تھا کہ کونسل کی کارکردگی کا جائزہ لیا جائے  اور مستقبل کے لئے لائحہ عمل طے کیا جائے تاکہ یہ کونسل ایک نئے دور کے لیے امیدوں کا چراغ ثابت ہو، جس میں کونسل مغرب میں مسلمانوں کے لیے استحکام اور بقائے باہمی کے حصول کے لیے اپنے مشن کی تکمیل کے لیے کوشاں ہے۔ ، کونسل کی کوشش ہے کہ اسلامی تشخص کو برقرار رکھتے ہوئے امت مسلمہ اپنا مطلوبہ کردار ادا کرسکے ، اور ان کو درپیش مسائل کا ایک مستند قانونی دائرہ میں جائز حل تلاش کرے اور حل پیش کرے ۔ ، اپنی تہذیبی دعوتی ذمہ داریوں  قدیم نافع اور جدید صالح سے مستفید ہوتے ہوئے  ادا کرسکے. اور نئے مفید تجربات بھی پیش کر سکے ۔

اس سیشن میں وفات پاجانے والے ممبران کی عزت افزائی کی گئی اور ان کی خدمات کا اعتراف کرتے ہوئے انھیں خراج عقیدت پیش کیا گیا ۔ جن میں امام ڈاکٹر یوسف القرضاوی –  فقیہہ اور ماہر قانون فیصل مولوی – عظیم ماہر اقتصادیات ڈاکٹر عبد اللہ۔ ستار ابو غدہ – ، اور کیمیا دان اور فلکیات کے ماہر فقیہ ڈاکٹر محمد الحواری –  ممتاز اور مستند ڈاکٹر احمد علی الامام -فقیہ  ڈاکٹر طہ جابر علوانی، ڈاکٹر احمد علی امام اور کونسل کے پہلے سیکریٹری جنرل ڈاکٹر محمد سعید الباذنکجی  اور شیخ ڈاکٹر حسن قرہ بلوط – رحمہم اللہ رحمۃ واسعۃ ۔

گزشتہ ہفتہ یورپی کونسل برائے فتویٰ و تحقیق کے اڑتیسویں اجلاس کے موقع پر ایک جشن کا انعقاد کیا گیا، جس میں بہت سے علماء اور محققین نے شرکت کی۔ یہ تقریب گزشتہ 25 سالوں میں اس کونسل کی خدمات پر اظہارِ تشکر کے لیے منعقد کی گئی تھی۔ اس دور میں کونسل کو درپیش چیلنجوں کے باوجود، وہ سال کی آخری تقریب منعقد کرنے میں کامیاب رہی، جس میں افتتاحی اجلاس کا انعقاد اور بہت سے متاثر کن تقاریر شامل تھیں ۔

اتوار کو دوسرے سیشن میں، پروفیسر ڈاکٹر علی قرہ داغی نے اپنی تحقیقی گفتگو پیش کی، جس کا عنوان تھا “اجتہاد مالی  اور اجتہاد مقاصدی : ایک تحقیقی مطالعہ”  جس میں انہوں نے اجتہاد کے مسائل اور اس کے تصور،کو نمایاں کرتے ہوئے اور اجتہاد فتویٰ میں فقہ مقاصد کے حدود پر بات کی۔  اور ان کو نظامِ مقاصد اور فقہی نتائج سے جوڑنے کی اہمیت کو بیان کیا ۔نیز یہ بھی بیان کیا کہ کونسل کے اس عزم کی وضاحت کی کہ کونسل نے اس بات کو یقینی بنایا ہے کہ اس کے فتاویٰ اور فیصلے میں ان امور کی پوری رعایت کی جائے 

اس کے بعد ڈاکٹر

جاسر  عودہ  نے پیش کیا: “اجتهادات المجلس الأوربي للإفتاء من فقه الأقليات إلى فقه التوطين”،اقلیتوں کی فقہ سے فقہ برائے توطین کے لیے یورپی فتویٰ کونسل کے اجتہادات “، جس میں انہوں نے کونسل سے مطالبہ کیا کہ مغرب میں اسلامی موجودگی کو مقامی بنانے کا ایک فقہ قائم کیا جائے، کیونکہ آج اسلامی موجودگی مسائل سے نمٹنے میں بالکل مختلف ہے، اور تمام سیاسی اقتصادی اور سماجی،واقعات پر اثرانداز ہو چکی ہے،  یہ یورپی منظر نامے پر اب کوئی معمولی تعداد نہیں ہے ۔

 اس کے بعد پروفیسر ڈاکٹر اکرم کلش نے اپنا مقالہ پیش کیا ، جس کا عنوان تھا: “اسلامی تشخص کے تحفظ کے حوالے سے یورپی کونسل برائے فتویٰ و تحقیق کی فتویٰ حکمت عملی کا جائزہ”، جس میں اسلامی وجود کے مذہبی تشخص کے تحفظ کے لیے کونسل کی حکمت عملی کی وضاحت کی گئی۔ 

 پھر ڈاکٹر مصطفیٰ دادش نے اپنا مقالہ پیش کیا جس کا عنوان تھا : “یورپی کونسل برائے فتویٰ و تحقیق کے فتویٰ کے طریقہ کار کا تنقیدی جائزہ ۔ “

 اس کے بعد  نامور عالم دین پروفیسر ڈاکٹر عصام البشیر نے اپنا مقالہ پیش فرمایا، جس کا عنوان تھا : المراجعات في الفتوى بمدركات الشرع المختلفة وقواعد الاجتهاد المعتبرة: دراسة تنزيلية في فقه الأقليات”،”شرعی قانون کے مختلف معانی اور اجتہاد کے قائم کردہ اصولوں پر مبنی فتویٰ میں نظر ثانی: اقلیتوں کی فقہ میں ایک تنزیلی مطالعہ”، جس میں انہوں نے وضاحت کے ساتھ ۔ فتویٰ کی تجدید اور جدیدمسائل کے حل کی اہمیت، اور نئے پیش آمدہ مسائل  کے حل کے لیے فتویٰ اور فقہ کو دوبارہ پڑھنے کی ضرورت پر روشنی ڈالی ، اور موجودہ اور مستقبل کی صورتحال اور پیش رفت کے تناظر میں شریعت کی روشنی میں حل تلاش کرنے کی اہمیت پر زور دیا ۔