یونین اور مرکز برائے اسلامی فکر کے مابین مشترکہ کوششوں کے نتیجے میں “اہم اسلامی اصطلاحات پر مشتمل انسائیکلو پیڈیا”کی اشاعت ۔

“اسلامی اصطلاحات پر مشتمل انسائیکلو پیڈیا: شرعی بنیاد اور اصول قواعد “کی اشاعت کا قابل فخر کارنامہ انجام پذیر ہوگیا. 

 بین الاقوامی یونین آف مسلم اسکالرز – جس کی نمائندگی ڈاکٹر عبدالمجید النجار نے کی تھی – اور مرکز برائے اسلامی فکر اور عصری مطالعات جس کی نمائندگی ڈاکٹر عصام البشیر نے کی تھی، ان دونوں تنظیموں کے درمیان سنجیدہ تعاون کی بنیاد پر یہ کارنامہ انجام پذیر ہوا. 

انسائیکلوپیڈیا میں ایک سو پچیس (125) تصورات اور اصطلاحات شامل ہیں، اور اس میں یونین کے سیکرٹری جنرل ڈاکٹر علی قرہ داغی ، ڈاکٹر عصام البشیر، اور ڈاکٹر عبدالمجید النجارکے تین تعارف شامل ہیں۔  ۔

یہ انسائیکلو پیڈیا اس وقت استنبول بین الاقوامی کتاب میلے کی سرگرمیوں کے ایک حصے کے طور پر “دار الاصالۃ” میں موجود ہے۔

ہم اللہ تعالیٰ سے اس ممتاز علمی کام میں برکت کی دعا کرتے ہیں، اور ہم اس تعمیری شراکت کے لیے یونین کی قیادت اور مرکز برائے اسلامی فکر کی صدارت کا تہہ دل سے شکریہ ادا کرتے ہیں جس کے نتیجے میں ایک حیرت انگیز علمی خدمت منصہ شہود پر جلوہ گر ہے۔

اکتوبر 2022 میں، انٹرنیشنل یونین آف مسلم اسکالرز نے سینٹر فار اسٹریٹجک اسلامک پولیٹیکل تھاٹ کے ساتھ شراکت داری کے معاہدے پر دستخط کیے، جس کا مقصد متعدد اسلامی اصطلاحات کے معانی کو واضح کرنے اور ان کی حقیقت کو ظاہر کرنے والی تحقیق جاری کرنے سے متعلق ایک علمی منصوبے کو نافذ کرنا تھا ہے۔ 

معاہدے کی شرائط میں اسلامی اقدار اور تصورات کے انسائیکلوپیڈیا کا قیام شامل تھا ، جس کا مقصد ملت اسلامیہ  کے اندر اعتدال اور میانہ روی کے پیغام کو پھیلانا ہے، نیز اس کی تکمیل کے لیے فرائض اور حقوق میں مکمل شراکت داری کا تعین کرنا ہے۔ پروجیکٹ کے سائنسی نتائج یونین اور مرکز کے نام سے جاری کیے جائیں گے۔

اس معاہدے کا مقصد علمی کانفرنسوں اور سیمینارز کے انعقاد اور انسائیکلوپیڈیا سے متعلق تربیت اور ترقی فراہم کرنے کے علاوہ اسلامی اقدار اور تصورات سے متعلق تحقیق اور مطالعہ کے شعبے میں تعاون کو بڑھانا ہے۔

ماخذ: میڈیا آفس