مراکش.. صہیونی کمپنیوں کو زراعت کی بین الاقوامی نمائش سے نکالنے کے لیے میکنیس میں متعدد تنظیموں نے احتجاج کی کال دی

مراکش کے سول اور سیاسی اداروں نے ذمہ دار حکام سے مطالبہ کیا ہے کہ صیہونی کمپنیوں کو مراکش میں بین الاقوامی زرعی نمائش میں شرکت سے فوری طور پر روکا جائے۔

اپنے جاری کردہ ایک بیان میں، ان اداروں نے غاصب صیہونیوں کی کسی بھی شکل میں موجودگی سے قومی سرزمین کو پاک کرنے کی اہمیت پر زور دیا اور فلسطینیوں اور ان کے مذہبی مقدسات بالخصوص مسجد اقصٰی کے خلاف صہیونی دہشت گردانہ حملوں کی مذمت کی۔ ۔

مختلف تحریکیں اور تنظیمیں، بشمول میکنیس میں اتحاد اور اصلاح کی تحریک، میکنیس میں ایسوسی ایٹیو فیبرک، میکنیس کے جسٹس اینڈ ڈیولپمنٹ پارٹی، میکنس کے مراکشی مزدوروں کی نیشنل یونین، میکنس میں طلبہ  کی تنظیم، یوتھ فار جسٹس۔ اینڈ ڈیولپمنٹ ان میکنیس، میکنیس کے وکلاء برائے انصاف اور ترقی کی ایسوسی ایشن، اور میکنیس کے مراکش اسپیس فار پروفیشنلز،نامی تنظیموں نے اس احتجاج میں شرکت کی. اور اسرائیل کی مذمت کی ہے۔

ایک مشترکہ بیان میں تنظیموں نے فلسطینی کاز کی حمایت میں اپنے ٹھوس مؤقف کا اظہار کیا اور بین الاقوامی زرعی نمائش کے پندرہویں اجلاس میں صیہونی ادارے کی شرکت پر گہرے دکھ اور برہمی کا اظہار کیا اور اس معاملے کو اسلامی ثقافت کے خلاف ایک منظم حملہ قرار دیا۔ اور اسے مراکشیوں کے وقار پر سنگین حملہ تصور کرتے ہیں جو مسئلہ فلسطین کو ایک قومی مسئلہ اور اپنے علاقائی معاملات کے طور پر دیکھتے ہیں۔

بیان میں تمام فعال قوتوں اور مراکش کے عوام کی مدد سے  اس کے خلاف مزاحمت جاری رکھنے  کے عزم کا اظہار کیا گیا ہے۔ ان تنظیموں نے تمام زندہ قوتوں اور میکنیس کی آبادی سے مطالبہ کیا کہ وہ اپنے غصے کا اظہار کریں اور احتجاجی مظاہروں میں بھرپور شرکت کریں۔

ــــــــــــــــــــــــــ

* اقرأ الخبر بالعربي: المغرب.. هيئات تدعو لوقفة احتجاجية بمكناس لطرد الشركات الصهيونية من المعرض الدولي للفلاحة

ماخذ: الاتحاد + میڈیا سائٹس