قدیم محدثین کی یادگار، محقق دوران حضرت مولانا سید محمد یحییٰ ندوی کی رحلت
ابھی اپنے مشفق و مربی ماموں جان و خسر محترم کی رحلت کا غم تازہ ہی تھا کہ دل ناتواں کو اسی طرح کے دوسرے بڑے غم کے صدمے سے دو چار ہونا پڑا. تراویح کی نماز سے فارغ ہی ہوا تھا کہ اچانک یہ جان کاہ خبر اعصاب پر بجلی بن کر گری کہ بیگوسرائے ہی کے نہیں بلکہ سرزمین بہار کے ممتاز سپوت، ماہر اسمائے رجال، مایۂ ناز محقق اور ممتاز محدث حضرت مولانا سید محمد یحییٰ ندوی بھی ہمیں داغ مفارقت دے کر مالک حقیقی سے جاملے.
