نیویارک: اقوام متحدہ کے سیکریٹری جنرل انٹونیو گوٹیرس نے کہا ہے کہ اسلامو فوبیا سے نمٹنے کیلئے دن منانے کا مقصد مسلم مخالف نفرت کے زہر کے خاتمہ کا مطالبہ ہے ۔اقوام متحدہ کے سیکریٹری جنرل انٹونیو گوٹیرس نے سماجی رابطے کی ویب سائٹ ٹویٹر پر اپنے ٹویٹ میں کہا کہ اسلامو فوبیا سے نمٹنے کیلئے پہلی بار عالمی دن منایا جا رہا ہے ۔انٹونیو گوٹیرس کا کہنا ہے کہ اس دن کا مقصد مسلم مخالف نفرت کے زہر کے خاتمہ کا مطالبہ ہے ۔انہوں نے کہا کہ امتیازی سلوک ہم سب کو مٹا سکتا ہے ، ہمیں اس کے خلاف کھڑا ہونا ہوگا۔ سکریٹری جنرل نے مزید کہا کہ آج اور ہر دن ہمیں مشترکہ انسانیت کے عزم کا اعادہ کرتے ہوئے ، تقسیم کرنے والی قوتوں کا مقابلہ کرنا ہوگا