واشنگٹن کے پروفیشنل مکس مارشل آرٹسٹ کیون لی نے دائرہ اسلام میں داخل ہونے کا باقاعدہ اعلان کردیا۔ سماجی روابط کی ویب سائٹ ٹوئٹر پر شیئر کی گئی ایک ویڈیو میں کیون لی نے کہا کہ کہ بے شک اللہ سب سے بڑا کارساز ہے اور مجھے خوشی ہے کہ میں سیدھے اور سچے راستے پر گامزن ہوا، میں نے دین اسلام قبول کر لیا ہے اور ایک مسلمان کی طرح زندگی گزار رہا ہوں۔
ویڈیو کے بعد اپنی ٹوئٹ میں کیون لی نے کہا کہ دین اسلام قبول کرنے کے بعد بڑی تعداد میں لوگوں نے میری حوصلہ افزائی کے لیے رابطہ کیا ہے، میں سوشل میڈیا پر آنے والے پیغامات اور فون کالز سن کر بہت اچھا محسوس کررہا ہوں۔ یاد رہے کہ کیون لی نے اپنے مکسڈ مارشل آرٹس کیرئیر کے دوران 26 مقابلوں میں حصہ لیا ہے جن میں سے انہوں نے 19میں کامیابی حاصل کی ہے جب کہ 6 مقابلوں میں انہیں شکست ہوئی۔
امریکی ریسلر کیون لی نے اپنے اسلام قبول کرنے پر خوشی کا اظہار کیا اور اس کی وجوہات کل منگل کو ESPN اسپورٹس نیٹ ورک پر شائع ہونے والے ایک انٹرویو کے دوران بتائی۔
لی لائم لائٹ سے اس انٹرویو میں حال ہی میں منظر عام سے غائب ہونے ، بچے کی پیدائش کے بعد ان کی زندگی میں کیا تبدیلیاں درپیش ہوئیں ، اور ایک نئے کاروباری ایجنٹ کے انتخاب کے بارے میں سوالات کے جواب دیئے ، انھوں نے ان اسباب کی نشاندہی کی جن کی وجہ سے انھوں نے اسلام قبول کیا ۔
انہوں نے کہا، "میں نے اسلام قبول کیا، میں دائرہ اسلام میں داخل ہوا. اور واقعی ایک مسلمان کے طور پر زندگی میں اپنا مقام حاصل کیا، چونکہ میں ہمیشہ اکیلا رہتا تھا، اس لیے اسلام نے مجھے (مسلمانوں کے ساتھ) اخوت کے زمرے میں داخل کردیا "۔
لی نے مزید کہا، "میں ہر روز زیادہ سے زیادہ مسلمانوں سے بات کرتا ہوں، اور مجھے ان لوگوں کے ساتھ مزید تعلقات استوار کرنا اچھا لگتا ہے۔"
کیون لی نے اپنے نئے بزنس مینیجر علی عبدالعزیز کے بارے میں بات کرتے ہوئے کہا، "علی وہ شخص ہے جسے میں برسوں سے جانتا ہوں۔ ہم نے ایک ساتھ ٹریننگ کی، ہمارے دلوں میں ایک دوسرے کے لیے گہرا احترام تھا، اور اس قسم کے کھیلوں میں اس کا بہت زیادہ اثر ہے، لہذا شراکت کامیاب ہوگئی۔"
یہ پہلا موقع نہیں ہے کہ مشہور شخصیت کیون لی نے اسلام قبول کیا ہو۔روسی ریسلر عمر کونکابائیف نے گزشتہ اگست میں اپنے انسٹاگرام اکاؤنٹ کے ذریعے ان کی اور لی کی ایک تصویر شائع کی تھی اور کہا تھا کہ انہیں یہ جان کر خوشی ہوئی ہے کہ وہ 3 ماہ قبل مسلمان ہوئے ہیں۔(ایجنسیاں)
